الغلا قصه عجيبه تبتدي بضحكة عيون=قصه فارسها مشاعر نابضه بأغلى غرام
نصها كلمه ((( احبك ))) ياحبيبي للجنون=تنطلق من قلب عامر بالمحبه والسلام
هذي هي قصه غرامي يوم جيتك ياحنون=مابقى شي بكياني غير حبك بإحتدام
جيت لك تضحك شفاهي بإبتسامات الجفون=جيت لك والقلب غارق في عبارات الكلام
ماتصنعت المشاعر لأجل أبرهن من أكـــون=كان همي إني آصل ساحلك ياأغلى مرام
أبتسم ساعه أشوفك وأنسى أيام الشجون=وأتخذ لأجلك مساحه في مواعيد الزحام
لاتلاقينا وشفتك قاسي الغربه يهون=والفرح يسري بدمي ويخترق صلب العظام
وإن تفارقنا دقيقه مالت أوراق الغصون=والدقيقه في عيوني شفتها الفين عااااااام
الغياب!! ياهو غيابك صبلي كاس المنون=أشربه ظلم وتجني وأرتويبه بإنصدام
الغلا ماهو حكايه تعتبر ضمن الفنون=الغلا عشته بقلبك يـــــــــاقمر وسط الظلام
لو درا بصادق غرامي الغدر حرم يخون=ولو يعيشه كل مذنب إلتزم بعد الحرام
والبلابل لو تحسه زادت أنغام اللحون=تغنت واهتفت به وغارت أسراب الحمام
والبحر لو قاس حبي صارت امواجه سكون=وقال أنا قطره وجف وأبهر أحلام الانام
حتى قيس اللي تصدر قايمة أهل الجنون=واللي أهل العشق أخذوا من ( أساطيره ) وسام
ماوصل عشقه بليلي مرحله ضم الحضون=ولا تحدى في غلاها لذه أنفاس المنام
وعنتر وعبله غلاهم باهت ماله أي لون=بعد ماشخصت قلبي حبهم فيه إنفصام
كل حب غير حبي مثل همال المزون=يستمر وقت السحاب وينتهي بعد الغمام
وكل شعر غير شعري مايفي باللي يبون=تكتب حروفه أحبك ونيته بالإنتقام
اتحدى واتحدى .. واتحدى من يكون=إن قلب " غير قلبي ( حبه صادق ) بالتمام
وإن كلامي ماعجبهم يفعلون مايشتهون=يمكن لا شافو ولاي عندهم ينشأ إهتمام
الغلا قصه وصارت بيني وبينك ( جنون )=حكيتها بشعور قلبي قبل مايبدا الكلام
الغـــــــلا واقع أعيشه معك مايرضى الظنون =واقع أجمل من خيال واقع نبراس الوئام
بطلبــــــــــــك قبل أنتهي كانك لإحساسي تصون=إن لحظات التواصل نغمتها أغتـنام
مانبي الأيام تمشي والمشاعر يلهثون =والخطاوي الهاويه في سراديب الخصام
والامـــــــــانه في النهايه ياحكي حب العيون =لافهمت حروف شعري ضمها بعد الختام

الموضوع الأصلي: الغـــــــــلا || الكاتب: گہٍـرستہآلهہ || المصدر: منتدى الجبلان الرسمي

المصدر: ::منتدى الجبلان الرسمي::