مقتطفات شعرية

** مات حبك :
مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربة حبي معك كانت مريرة
يا عدو الحب ركب الحب فاتك
لا تجيب ان طعنتني للحب سيرة
ما يعرف الحب من سوى سواتك
يجهل الاخلاص من ضيع ضميره
حبك اللي تدعي هو حب ذاتك
ومن يحب الذات ما يخلص لغيره
غرني يا صاحبي ظاهر صفاتك
غلطتي للأسف كانت كبيرة

الشاعر / سعود بن بندر

** مولد الشمس :
ما قلت لي انك على وعدنا جاي
انا انتظرتك لين ما غابت الشمس
جمعت هم الليل للصبح بخطاي
ونسيت لك باكر وانا عايش امس
يا ما دموع اتعزى بمبكاي
يا ما سليت وباقي الليل ما حس
عزفت لك الحان الافراح بالناي
واصرخ وصوتي صار في مسمعك همس
يا معذبي وان قلت لك في موعدك جاي
انا نسيت اذكرك مع مولد الشمس

الشاعر / عبدالله بن خالد

** آآآآآآه من عبرة
آه من عبرة بالصدر عيت تروح
يالله انك بها عالم وباسبابها
تكتم النفس مرة والنواظر تفوح
كل من شاف عيني قال وش صابها ؟
دمع عيني غدا لي كل صبح صبوح
عذبتني عيوني والسهر دابها
ولله اني صبور وبالسراير ما أبوح
مهما اشوف المحبه ضاقت أبوابها

الشاعر / عبدالله السياري

**وادعيني :
وادعيني وامسحي دمعه بعيني
الوداع صعيب لكن وادعيني
حاولي تنسين ها للحظة الحزينة
ولا بعدت بعيد عنك ذكريني
اكتمي العبرات عني لين اسافر
ما قدر اتحمل دموعك ساعديني
بالبدايه لا تقولين انتهينا
فوق جرحي الاولي لا تجرحيني
ما انتهينا ماتفرقنا الليالي
قلبي بيدينك وقلبك بيديني
خلي لحظات الوداع تصير ذكرى
تبقى تذكار الوفا بينك وبيني

الشاعر / طلال السعيد

الموضوع الأصلي: مقتطفات شعرية || الكاتب: بنت مطير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::