لا واللذي سوى عيونك ... وسواك ماقلت ابيك الا وانا فعلا ابيك...!!

بسم الله الرحمن الرحيم

لا واللـذي سـوى عيونـك ... وسـواك
...ماقلت ابيـك الا وانـا فعـلا ابيـك ...!!

الحب مايوخذ سوالف و " خـذ ... هـاك "
..الحـب يقطـع عـرق عينـك ويعمـيـك

يدكنـي فــي تـالـي اللـيـل دكــاك
..وإذا سألنـي عنـك قلـبـي " ازكـيـك "

اموت بك ... اعشق ترابـك ... وماطـاك
..ومالاح صبـح إلا وانـا انـوح وابكيـك

كني ملكـت الكـون إذا تضحـك شفـاك
..تفداك روح اللـي علـى النفـس يغليـك

اهواك ... تدري ويش تعني لي اهواك...؟!
..اهـواك معناهـا " انـا مـيـتٍ فـيـك "

لو ربع ماجاني مـن الشـوق قـد جـاك
..وربي الكريم ان ماتشيلـك مواطيـك...!!

ان قالـه الله والـهـوى الشـيـن وراك
..والله إن تـارد بـرد عشـقـي وادفـيـك

تدري أمـل عمـري أنـا آصـل رضـاك
..خذ كل ماتبغي ... على شرط يرضيك ...!!

سبحان من كـب البهـاء فيـك واعطـاك
..عسـى عيـونٍ شافـت الزيـن تخطيـك

ياحلو هـم العشـق ... ويازيـن بلـواك
..وماصابنـي مـن غـم عسـاه يخطيـك

قويـت كـل النـاس وعجـزت لـقـواك
..ياكثر ضعفك ... بـس ياقـوةٍ فيـك ...!!


وسلامتكم

اتمنى ان تنال اعجابكم
اختكم عذاري المطيري

الموضوع الأصلي: لا واللذي سوى عيونك ... وسواك ماقلت ابيك الا وانا فعلا ابيك...!! || الكاتب: گہٍـرستہآلهہ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::