وفاز بن لامي وهذا يوم عيده -- جمعة الجبلان عيدن لأبن لامي
فوز الجبلان ومطير كافة تنومس كل مطيري
وبعد إتصال من الأخ تركي بن مناحي الشبعان وذكر انه في مخيم بن غيام والجبلان مجتمعين فأرسلت له هالقصيدة مشاركة لربعي وأخواني
غن ياتركي وأنا مني قصيده = لايمك يعطى العمى ماله ملامي
نومسوك اللي مغازيهم بعيده = لابتن تفخر بها في كل عامي
ونومسونا معك يامسند عضيده = عادة الجبلان مروين الحسامي
الحمر هذي نتايجها وكيده = فاز بن راجح وقبل بن غيامي
وفاز بن لامي وهذا يوم عيده = جمعة الجبلان عيدن لأبن لامي
صفر ابن لامي ليا صمل شديده = هو هواها لاصمل ورد الحيامي
فوزهم مبطي ماهي معهم جديده = لاغزا صاهود في شرقن وشامي
نكتب التاريخ وإن جينا نعيده = فوزهم دايم ولله الدوامي
وأسلم وسلم على كل البديده = تركي الشبعان بلغهم سلامي
.
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
جل منهو فوق عرشه عالي ٍ متعلي = الكريم الواحد الفرد الصمد سبحانه
يوم أفكر في ملكوته وأنا في ذلي = أعترف في كبر ذنبي وأطلبه غفرانه
ياعظيم ٍ كل خلقه فالفضا متجلي = من يفكر ويتفكر زاد في إيمانه
أطلبك عفوك وأنا ذنبي علي مغلي = ياكريم ٍ مايصك لطالبه بيبانه
أشهد إنه لا إله الا الله المتعلي = الكريم الواحد الفرد الصمد سبحانه
لـمحمد الشبعان
|