مساء الكرز
السفره كانت بتاريخ 30 - 6 - 2010 المده كانت اسبوع المفروض انها تكون بخريف صلاله
اللي يصادف أخر شهر اغسطس بس لظروف العمل اضطريت اسافر بالتوقيت السابــــــــــــــق
الرحله كانت علي طيران ( عمان ) التذكره كانت 120 دينار للشخص وحجز غرفه بماريوت 56 دينار الليله
طبعاً مع بوفيه ( الفطور ) + بوفيه ( العشاء ) كان فيه عرض خاص من حظي الحلو 
فندق ماريوت يقع علي بعد ( 60 ) كيلو عن صلاله والجميل في هذا الفندق انه اكثر الوديان والعيون
والمناظر الطبيعيه اللي تمتاز فيها صلاله قريبه من الفندق تقريبا من 10 الي 20 دقيقه اوصلها بالسياره
المنطقه التي فيها فندق ماريوت اسمها ( مرباط ) قريه اشبه ما تكون ببيوت وشوارع ( القيصومه )
ملاحظه مهمه يجب الانتباه لها
اسعار الاكل بالفندق ( نااااار ) اول ليله وصلت فيها طلبت وجبة شيكن تصدقون ان سعرها 7 دنانير 
البيبسي سعره تقريبا دينار ومية فلس كويتي عندهم تقريبا 14 ريال عماني 
الوكاد اني طحت بطريقه اروح لمنطقة مرباط اللي جنب الفندق واترسلها من البقالات بيبسي وسفـــــــــن
وعصيرات وبساكيت وكل شئ تشوفه عيني واحطها بشنطة الكمبيوتر اللي علي الظهر الرسبـــــــــــشن
يشوفوني يومياً هالشنطه ما اتحرك الا وهي علي ظهري الوكاد ترست الثلاثه بروحتين تكفي اسبوع قدام
الشبك علي الوايلس قيمة الساعه 4 دنانير كويتي 
تعرفت علي مغربي له مكتب لتأجير السيارات كنت اجرت منه سياره لمدة السفره الولد حبني لله في لله
الحمدلله اني انحب ههههههههههههه( كثر منها 
)
قالي اخذ لك خط بريالين وتعبيه رصيد كل يوم بريال قيمة الانترنت يعني 7 ريال تقريبا كلها 10 ريال عماني
ولا الوايلس اللي يبي يلحس فليساتي 
موعد بوفيه الفطور من الساعه ( 8 ) الي الساعه ( 11 ) صباحاً
موعد بوفيه العضاء من الساعه ( 8 ) الي الساعه ( 11 مساءاً
سيرفر المطعم ( عجيب ) حيل منظم وترتيبهم روعه وتعامل العمال راقي مررره nice
فيه خدمه لنزلاء الفندق وكان عرض خلال الفتره اللي كنت فيها موجود وهي مساج يومياً مجاناً
من الطبيعي بكون استفدت 6 ايام من خدمة المساج هههههههههههههههههه ( والله البلشه )
الفندق حديث الانشاء تم افتتاحه ان لم اكن مخطأ بأخر سنة 2009 لانهم قالولي ان الفندق جديد
توه مفتوح من ( 6 ) شهور وانا جيته شهر ( 6 ) يعني بأواخر سنة 2009 يعني بقراطيسه
^_^
أترككم مع الصور الفندق وهي الجزء الاول في سفرتي لصلاله ان جازت لكم نزلت البقيه
هذي خريطة صلاله اللي استخدمها للتنقل والفرفره من وادي لوادي ما شاء الله عليه دليله ^_^
هذا موقع فندق ماريوت رقم ( 2 ) الحلاو اللي طالع بالصوره فضحنا هههههههههههه
هذا فندق ماريوت من الخارج
وهذا الرسبشن
وهذي صورة ثانيه للرسبشن
قاعة البيانو كنت اجلس فيها انا والمغربي ( مصطفى ) اعزمه علي قهوه وجيز كيك ^_^
هالثريا طويله حيل من الدور الاول للسرداب
عجبني شكله وصورته هذا الدور الاول فوق الرسبشن جنب الثريا العملاقه
وهذي فوق قاعة البيانو شكلها عجيب اول مره كنت جالس تحتها ولما قالي المغربي ترى مره طاحت علي واحد
يضحك تروعت وغيرت مكاني خابرن حظي في هالامور ما يثنيها
هذا انا بالبوفيه كان فاضي واصلا الفندق كان اللي فيه ينعدون علي الاصابع بس كنت استمتع بالبوفيه بعنف
فطور الصباح مشكلتي اني صحي خطير الولد
مجاناً يعطونك دفايتين وحده ( شاي ) والثانيه ( قهوه ) بصراحه شوي واجيب القدوع معاي واجلس علي الارض
^_^
غرفة النوم تطل علي البحر فيه نوعين من الغرف فيه علي البحر وفيه علي الجبال انصحكم باللي علي البحر
هذي صوره اوضح للغرفه
الفندق صاير علي شكل U وبالنص حمامات السباحه
هذا المكان اللي تحت غرفتي
صور من جهه مختلفه للفندق
المظله هذي يبيع عصير وايس كريم وشغلات مدري شنو الوكاد مدري اللي يبيع فيها يا كرهي لهم ..
حمام السباحه اللي يمين هذا للأطفال فقط بجانب الالعاب
هالمظله كنت اخليهم يحطون لي كراسي وطاوله واجلس وراي حمام السباحه وقدامي بحر العرب وامواجه
يعني تصوير احترافي جنب حمام السباحه بغيت ازلق هههههههههه
عجبني راس الاجنبي اللي علي اليمين قلت بصوره ههههههههههه
هذي صورة الفندق وانا علي الشاطئ
وهذي من جهة اليمين
وهذي من جهت اليسار اللي كنت ساكن فيها
هذي الشاليهات ورا الفندق بعضهم يحب يحجز شاليه بدال الغرفه بس انا افضل الفندق لانه اريح وارتب وانظف
رجعنا للتصوير الاحترافي والله البلشه هههههههههههههه
لا تعليق الرجال محترف 
هذا المكان اللي كنت اصور فيه الفندق بالصور السابقه
هذا الجزء الاول في سفرتي لصلاله وهي في فندق ماريوت
ان جازت لكم الصور راح انزل لكم باقي الصور عن السفره
في وديان صلاله وجبالها
اتمنى ان الصور لاقت استحسانكم
والمقدمه اللي قبل الصور فضفضه هالسريع
^_^