مسموح ياوقتٍ به .. المظلوم ،
يُنظر له انّه ( كاذب وشرّير ) .. !
العدل عينه .. غارقه بـ النوم ..
وش عاد لو عشنا على التخدير -
الحب .. قالوا ، بـ انّه المرحوم
والبعض قال بـ ازمة التغيير ،
وانا يطيّحني الزمن وآقوم ..
مسجون وبحاجة الى التحرير
ياقلب افْرح .. ماشبعت هموم
ياقلب كلّك .. طيبه .. وتقدير
الحب في هذا الزمن مسموم -
دامه بلا صدق و بلا تفكير ..
وش عاد لو خانك صغير القوم
تبقى يَ مجروح بـ / وفاك كْبير
لايشغلك اللي بشهر الصوم :
ماقال لك / كل عام وانت بخير
بعض البشر خلّك معه .. ( معدوم
احساس ) واحذر تعشقه وتغير
لا تعشق اللي يرخصك بالسّوم :
يهديك شوك و تحسبه نوّير !
|