ودي الخبر يامودي العلم وده= وده على اللي يكسبون الجمايل
عبدالله الزايد ليا جيت عده= سلم وسلم لي مبادي المثايل
دور الفتى ماهو بدورن لجده= كم واحد عقب عيال الحمايل
ون جيت له بالاصل اصله وعده= عدى على عوص النضا والقبايل
دنياك هذي بين جزره ومده= نرد النهـر مره ونــرد الثمايل
مرن توردنا مع المجرهده= ومرن تورينا حمار القوايل
كم وردتنا للعدود المصده= الفوج الاول ناكله والهوايل
لاصاح يااهل الخيل للخيل رده= علوى هل الطولات واهل الاصايل
اهل البكار الضمر المستعده= واهل المهار اللي عليها الفعايل

يامرحبا بسمن عزيز ونوده= وارسل علي ارسالتن بالموبايل
وابدى علي معرب الجد سده= من هاجسن من بين صايل وجايل
من صار ضدك يابن شبلان ضده= تراك من طايل اليا راس طايل
ياترثت الشيخان واهل الاشده= وفعلن على وضح النقا له دلايل
ميقافكم ياغنيم محدن يسده= فرسان علوى محتمين الذبايل
وليا وصل علم الرياجيل حده= لخوان شماء الطايله والصمايل
هذا كلامي واخر العلم شده= من خلقت الدنيا بعدلن ومايل
وبابن يجي معه اقشر الناس سده= وانزل رفاع ولاتجي بالمسايل
وابدا الوفا واللي ايبديك بده= واكرم وتكرم من كرام السبايل