يوم فازت فوزها ياحمود عـاده=ناقه
الجبلان عطبين الضرايـب
تستحق لفوزهـا لولـو اقـلاده=وتستحق المدح زاهيب الجنايـب
من الرها تطلق يداها في ركـاده=روحت تسبح على لفح الهبايـب
كن يجذبهـا هـوى خـل وداده=عاشقن عن حبها ماهو بتايـب
ماتشوف من السما كبر الجراده=الصطر والولف فالخفاق ذايـب
للشمال اقفـت يجاذبهـا بـراده=والدبش كنه عن الميدان هايـب
فالامارا ماخذيـن الهـا شهـاده=يشهد الحضار واللي كان غايـب
في نهار الورد كبرنـا الوسـاده=قالطينن قبـل مافيهـا غرايـب
من قبل واليـوم حنـا فالريـاده=مع هل الطولات فكينا النشايـب
من قديمات السنين اخذوا الافاده=الولد مجذوب من عمن وشايـب
في ذ را شيخن عطيناه القيـاده=لاغزا بادت معه عوض النجايب
من حدود السيف لصواب وحماده=ولا يعود شيخنا دون الكسايـب
يوم ابو سفاح والعليـا مـراده=سته اشهر لين حفين الركايـب
شيخنا حرن ينومس في هـداده=والعدو بينا على راسه نصايـب
يوم كلن يمتطي صهوه جـواده=والحرايب للرجال اهل الحرايـب
كم شجيعن زايرينه فـي ابـلاده=روحت شعله مع ربعي نهايـب
الفخـر لاقيـل مافيهـا نقـاده=والغشيم اليا نقد مالـه سبايـب
الفخر والمجد حامينـن اشـداده=وانتنومس بالدبش والكيف طايب
ولا علينا من مـدورت القـراده=طيبنا لمطير والنـاس القرايـب
ان مدحت اخوان صبحا قيل عاده=مجوزين الصمل من شقرا ذوايب