مارحلتي لين حطمتي بما فيه الكفايه

يا عظيمه كل شي له حدود و له نهاية
لكن أنت ما وقفت عند حدك يا عظيمه

أستلذيتي بطعناتي و أخذتيها هواية
كن مالك حربة توجع و طعنات أليمه

آه ليتك ما تماديتي بطعنات البداية
لين صار لكل طعنة فالحشا معنى و قيمه

الله يبيحك ولكن كيف في أغرب رواية
تكتبين الحب كذبة والهوى دقة قديمه

و أنت اللي كل ما لدت عيونك فـ المرايه
ما لمحتي الا اليتيم اللي خذت قلبه يتيمه

و اليتيمه فاليتامى مالها حق الوصاية
الوصية عودها الغض و نوايها السليمه

لكن أنتي صار لك حق الوصاية و الولاية
و استبديتي و شدو البدو و أضحيتي مقيمه

ما رحلتي لين حطمتي بما فيه الكفاية
عاقل حب الجنون و صوت نارك في هشيمه

استبحتي حرمة المجنون بادراك و عناية
و التفتي له بعقلك و ارتكزتي في صميمه

امتلكتي غايته لو كان ماله فيك غاية
و انتصرتي في عيونه وأعترف لك بالهزيمه

من كثر ما يعشقك ما قال لك بالحب راية
خايف الأيام لا تطلع عواقبها و خيمه

في طريقك كل ما كنه لمس درب الهداية
تاه و دروب الحياة المستقيمة مستقيمه

تايه بصري و من جابه لبيت الله تايه
عذر من غمض بعين و عينع الأخرى كريمه

فدوتك ما فات من الايام و اللي عاد جايه
يا بعد عمر مخاسره معك عندي غنيمه

أنتي الفارع بقد و جد و أسماء و كناية
من عشق مثلك يجوز من الهوى و شداد ريمه

ليه لا .. و أنتي بحسنك في ذوات الحسن آيه
لا ذهب لا ماس لا ياقوت لا أحجار كريمه

شاعر له مع أهل الرايات فالمرقاب راية
كل ما هبت هبوبك علها قدر و حشيمه

سامحك من ألف باء الذنب الى ماله نهاية
و أستباحك عن خطاه و كل طقه بتعليمه

يوم قلتي أعطني حريتي أطلق يدايه
ما ذخر عن وجهك الا طعنتين في صميمه

الموضوع الأصلي: مارحلتي لين حطمتي بما فيه الكفايه || الكاتب: عزيز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::