::منتدى الجبلان الرسمي:: - عرض مشاركة واحدة - مطبخ الاعضاء شارك معنا بصور طبخاتك .. شــاركونا متجدد

20-04-2010, 10:24 PM

اقتباس:

المشاركة الأصلية كتبت بواسطة (*قمرهم كلهم*)

هلا يابنت دار زايد ..
اسفه ياقلبي ماشفت الأهداءات إلا الحين السموحه ..
والله مدري وش اوكلكم ..
عاد تعبانه من قلب ومنهد حيلي ..>>مصدقه بتطبخ
بس ابشري يالغاليه ..
ابسوي لكم حساء البروكلي ..
جربوها وبتدعووووون لي اكيد ..
لذيذه بشكل ..
على فكره شهيتيني بالمرقوق انا من عشاق المرقوق بشكل مو طبيعي ..
المهم لكم الطبخه ..

المقادير ..

250 بروكلي .
3 اكواب ماء او اكثر على حسب البروكلي .
ملعقة زبده .
2-3 بطاط نقطعه صغير .
مكعبين ماجي .
فص ثوم .
بصله مفرومه .
كوب كريمه .
ملح .

الطريقه ...

* تذاب الزبده على النار ويضاف اليها البصل والثوم وتقلب حتى تذبل .
* ثم يضاف اليها البطاط المقطع الى مكعبات ويشوح قليلاً ومن ثم يضاف اليها الماء حتى يغلي ويضاف اليه الملح ..
* تقطع البروكلي ويضاف الى البطاط ويترك يغلي ومن ثم ترفع بعض البروكلي ..
* نحط الباقي في الخلاط ثم نعيدها على النار ونضيف اليها الكريمه وتخلط جيداً ..
* تقدم ساخنه وتزين بحبات البروكلي التي تم رفعها مسبقا ..

على فكره لو ماتحطون الكريمه عادي بصراحه اسويها لبوي من غير كريمه عشان ماتصير دسمه على معدته ..

وهني على قلوبكم ..
بس اسمحولي ماكو صور الكذب خيبه ماسويتها لي وقت ..
وجبت لكم الصور من قوقل ..

^_^

عساها عجبتكم وإلا هالسوالف ماتشبعكم لازم مفاطيح وعيوش ..
شكرا يالغلا الموضوع رائع بجد ..
اختــــــــار امممممممممممممممممممممممممم ..
سلطان بن لامي ومساعديه راعي المغاتير واحمد اللويمي ...!!>>حلوه الوهقه ..
ناويه على هلاكم الله يستر ..؟؟!!

كونوا بخير وراحة بال/
(*قمرهم*)

يا سلام شو هالطبااخ الغاوي.. صدق والله تنبان خفيفه وسهله
تسلم إيدج يالغالية
نتريا سلطان وراعي المغاتير واحمد
ولازم الطبخه تكون من صنع ايديكم