::منتدى الجبلان الرسمي:: - عرض مشاركة واحدة - محـــــاوره بين الشاعر جوروج بوش وصديقه الشاعر توني بلير . . .هههه

#1 28-12-2009, 03:43 PM

محـــــاوره بين الشاعر جوروج بوش وصديقه الشاعر توني بلير

محـــــاوره بين الشاعر جوروج بوش وصديقه الشاعر توني بلير
.................

ايــــــه خـــلـــــوهــــا

بلير:: الله لا يجزاك بالخير يابــــوش
ورطنتا في حرب صدام ورطة
عزمتني تقول بترول وقروش
بس الحقيقة رحت معك غلطة

بوش:: يابلير رد العلم عن بوش بن بوش
الله خلقنا للمقاري سلطة
وابوي عنده للرياجيل دنبوش
كم شلنا فلوســــــة ونفطة

بلير:: ابوك والنعمين بس انت مربوش
تموت بالبترول وتحب شفطة
صحيح عندك مال وسلاح وجيوش
بس اتوقع لك تدهور وسقطه

بوش:: يابلير كانك خفت يوم احتمى الهوش
حرام ماتاخذ من النفط نقطه
قبلك ترى شيراك قد راح مكروش
شوفه يصرح كل يوم بمحطة

بلير:: وراك ماتعطي لشيراك عرموش
تراه مشغلنا بشيلة وحطة
ولا انتهى موضوعنا نرسل طروش
ونجمع المبلغ من الربع قطة

بوش:: شيراك هذا عنده الفكر مغشوش
فرط علي في مجلس الامن فرطة
يدزة اليابان الوصين ويطوش
ومجهز الفيتو لتحقيق شرطه

بلير:: يابوش انا مرهق وخايف ومدهوش
وانته تقول الحرب خدعه وخطة
اسرآي واسراك امتلا منهم الحوش
عز الله انه صابني منك جلطة

بوش:: ماقلت لك كم فيه اذاعات ودشوش
لاتكشف المعنى وانا اقول غلطه
وان قالوا انا علوج واصحابنا جحوش
ماهمنــــــا الصحاف ولي يحطه

اضف تعليق على الفيسبوك

تعليقاتكم البناءه هي طريقنا لتقديم خدمات افضل فلا تبخل علينا بتعليق