ايه حسّاسه واقل كلمه تنزّل دمعتيني
ايه حسّاسه قبلت الوضع ولا ما قبلته
كنت اقسى كنت اقوى كان قلبي ما يليني
كنت والله ما التفت صوب الكلام اللي سمعته
بس فك إلحام قلبي كثر دقات السنيني
لين مني ضاع كل صبر ٍ بعمري قد صبرته
وان بكت عيني بمزحه من يلوم اليوم عيني
إنحدر يا دمع في عيني من الايام شلته
لي متى آضيع باحزاني وثم انشدني ويني
لي متى يكبت خفوقي لين احرقني بكبته
من يقول اني قويه ماعرف شي ٍ دفيني
القويه قد تراخى عزمها من شين وقته
يالله اسالك الصبر يالله وارفع لك يديني
يالله انك لا تردني خايبه بشي ٍ طلبته
|