عرض مشاركة واحدة
#1  
قديم 05-09-2009, 01:12 AM
::+عضو شرف+::
سلطان فيصل العوض غير متواجد حالياً
Saudi Arabia     Male
اوسمتي
مسابقة التوقعات لكاس اسيا المشرف المميز صاحب الحضور الدائم 
لوني المفضل Cadetblue
 رقم العضوية : 3093
 تاريخ التسجيل : Jul 2009
 فترة الأقامة : 6167 يوم
 أخر زيارة : 12-05-2012 (02:17 AM)
 المشاركات : 1,381 [ + ]
 التقييم : 18
 معدل التقييم : سلطان فيصل العوض الخطوة الثانية في طريق التميز
بيانات اضافيه [ + ]
Smile محاورة (رشيد الزلامي,وعبدالله العير)بديار عتيبه@




هذه محاوره للشاعرين : رشيد الزلامي وعبدالله العير (رحمه الله)


عبدالله العير :

سلام يا اصحابنا اللي جيتهم بالوعد=وانا لياجتني الدعوات لبيتها
اصفى سما نجد لابارق ولامن رعد=وانا لمحت المزن ورعودها اوحيتها



رشيد الزلامي :


الله يحييك ترحيبٍ بليا عدد=قدمك رجالٍ ترحبك ليا جيتها
بس المصيبه تجيهم وانت مامعك احد=قامت بك الارض واشتغلت عفاريتها


عبدالله العير:

البارحه يارشيد وليت الاول بعد=وشلون حال الجماعه يوم مريتها
حنّا طراقي ولاحنّا من اهل البلد=لكن دعوتك هذي تعرف بويتها



رشيد الزلامي :


ان كان تنشد جماعتنا بحال السعد=ومطير ماهي على الدرب وتعديتها
وش رايكم في عجوز بليس جابت ولد=واليا اسر الله ضحكتك وبكيتها




عبدالله العير :


الله ولا النشده اللي تاليتها نكد=وشلون موجتك للمطران فريتها
اللي عطتك البريره وانت وسط المهد=قالوا لي انك بعد شيّبت جازيتها



رشيد الزلامي :


الله يعلم رشيد وقصده اللي قصد=مطير من قبل جيراني وحبيتها
لاتحفر المقبره يطبق عليك اللحد=واللي عطتني البريره جيت وارضيتها



عبدالله العير:


الليله انته بعيرٍ تنتظم وتهبد=ماتنتثنّى يدينك مير ثنيتها
اللي عطتك البريره حظها منقرد=عرضتها لاهب الكنّه وخليتها


رشيد الزلامي :


الموج اشوفه طفح والبحر جاله زبد=لكنّ ذيك البضاعه وين وديتها
فزعتك عشرين واللي طاح واللي قعد=وخمخمتها في ظلام الليل واخطيتها



عبدالله العير :


حطيتها في بيوتٍ جودت بالعمد=وانته تباها لكنّك ماتحليتها
الله يعذبك كيف اشغلتني بالنشد=عن حرجةٍ تطلب الميته وذكيتها



رشيد الزلامي :


اقول سبحانك الخلاق فردٍ صمد=عيون فتحتها وعيونٍ اعميتها
يالعير دم الخواجه ماع مدري جمد=وارد عراوي دخل ماها على زيتها


عبدالله العير :


الله ليا راد له حاجه بليا جهد=حرّم عليك الزقاره وانت كنيتها
ماعاد عند الخواجه دم كله نفد=اتعبت رجلك على دربه وعنيتهامحاورة (رشيد الزلامي,وعبدالله العير)بديار عتيبه@






اضف تعليق على الفيسبوك
تعليقاتكم البناءه هي طريقنا لتقديم خدمات افضل فلا تبخل علينا بتعليق




رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64