ياطير يالي تبعد الحوم ياطير=قرب
واخذ مني
رساله لنايف
واحذر تقصر ياخوي المناعير=وصل وصاتي وانت للحال شايف
منصاك ابو طفره ولاتنصى احد غير=الي عن الميلات والهزل نايف
الشاعر الي يصخر القاف تصخير=شرد القوافي عند
نايف ولايف
تشهد علي قولي جميع الجماهير=الاسم
نايف وايضآ القاف كايف
نص الرساله يازبون المخاسير=وش قولتك وانته تحب الطرايف
فسر ترا الموضوع يحتاج تفسير=واضن مافيها عليكم كلايف
اللي يشيرك بامر ولابد وتشير=ونصيحة الصادق ذرا كل خايف
موضوعنا مافيه عشق وغنادير=ولاذبحني حب زين الوصايف
اشوف انا العالم حصل فيه تغير=وكلن علي شعر الحداثه مهايف
والشعب نصه قام يبدع اصاطير=تسعين بالميه من الشعب هايف
موقف حصل من واحدن توه صغير=جاني وقال اسمع وانا ستار فايف
وسمعت قافن به العاقل يحير=لاوزن لابه قاف لابه وضايف
قلت انت شاعر قال سيد الشواعير=قلت الحسايف ماتفيد الحسايف
يالي نفخت الكير خفف من الكير=لاتعترض دربي واجيك متهايف
اسمع كلامي زين ابعطيك تحذير=السيف جود مقضبه ثم سايف
وشعر الحداثه حسب راي دعاثير=وشعر النبط راقي بروس النوايف
رايي وراي المجتمع في زمهرير=وش راي
نايف بالحداثه يانايف !!