حيل الله اقوى مابقى في يدي شيّ
مافيه حل ٍ في يديني.. ذخرته
حاولت .. لكن المحاصيل هيّ هيّ
الطير طار ولا بقى الا شجرته
وقفّت اشوف شويّ واغمّض شويّ
واللي انكسر في خاطري ماجبرته
لين الحقت شمسي على بارد الفيّ
وشفت ان كل اللي جمعته خسرته
من كثر ماعزيت ريقي عن الميّ
ملّ الصبر من كثر صبر ٍ صبرته
كم هقوة ٍ ضاعت على سكة الغيّ
وكم حلم فـ( تراب ) الحقيقه قبرته
واقف .. وطعنات الزمن كلها فيّ
وساقي لو انه كلّ مني / كسرته
|