آخر العنقود
تعيرني ؛؛؛؛ تقول امك تناديك : اخر العنقود
ــــ خل عنك كلام الحب وخلك في دلع مامه
صحيح انك وسيم.. وبس عمرك بالهوى معدود
ــــ ولاظنيت من مثلك يقدر يوصل احلامه
غبيه.. تحسب ان الحب يفرق بين طفل وعوود
ــــ تظن ان الهوى ياتي بكيف اللي نوى إلهامه
تظن ان الغلا والعشق لكبير السن بس محدود
ــــ ومن مثلي وبمثل عمري .. لا.. مايبدي هيامه
تقصدني انا بالذات تقول ابعد .. ابد ...لاتعود
ــــ ولما تكبر ... ويحلى زمانك عايش احلامه
انا يابنت رغم اني صغير... بعالمي موجـود
ــــ وزماني .. كان ماتدرين .. بفعلي تشهد ايامه
صحيح اني صغير السن ولكن.. قده وقدود
ــــ وانا عندي من الدنيا مواقف ترفع الهـامه
انا رغم الصغر يابنت كبير بعين اهل الجود
ــــ كبير بعين حسادي .. كبير.. وان صغرت القامه
وترى صغر العمر يابنت ماهو عيب او منقود
ــــ ياكم من واحد ..( صغير).. رزانة عقله وسامه
ومهما قلتي وقالوا ... صغير.. واخر العنقود
ــــ ابد ماهزني كلمة حسـود .. وغاضني لامـه
ولا هزيتي بي شعره.. ولو قلتي مدلع زوود
ــــ انا يكفيني ان العز جاني من........ دلع مامـه
.
.
============================================
أتمنـــىى أنــوو هالقصــاائــد نالــت إعجــااابكــم ..
بإنتظــــااار نقـــدكم وأرائكــم . .
أخـــــــــوووكـــــم/ عــــ العنــــــااانـــىى ـــــــزوز