نور ... سمعتي بقصة منيره
.
.
قصيد الليل ماحاكى مآسي قصتي يانوور
ـــــ وانا الـ فيني حزن يصعب على الاحساس تعبيره
وربك ماقدرت أنظم شقايه والحزن بسطور
ـــــ لو اكتب من هينا لبكره .. عذابي فاق تصويره
ولك ماهو دجل شاعر ولاكذبة شعر وشعور
ـــــ خيالي رغم مايملك ... عجز يـبـدع .. بتفسيره
انا يانور...لوشعري قدر يكشف عن المستور
ـــــ وربي .. رأفة ً فيني ... بكت .. لألامي الديره
حزن ياهو حزن ... وإلا بلاش نقلب المغمور
ـــــ انا مافيني يكفيني ........ دخيلك فضي السيره
أقول إلا على طاري مآسي قصتي والجووور
ـــــ تعالي بسألك ... دامك .. قريتي .. قصة منيره
صحيح اللي يقولونه صحيح إن الخبل منصور
ـــــ تركها وحب جارتها ... وهي .. ماتت من الغيره
حرام يخونها والله ... ويترك قلبها.. مقهووور
ـــــ وهي اللي وفت له دوووم ..ولاأهتمت بأحد غيره
اكيد إنه فقد عقله.. أو إنه.. واحدن مسحووور
ـــــ أو إنه ماعرف بالحب ... ولاشره .. ولاخيررره
عموما" .. مالنا بالناس ..كل واحد وله دستور
ـــــ وكلن حر ... في نفسه ... وكلن له.. معاذيررره
وإلا شرايك بهرجي ... كلامي صدق والا بوور
ـــــ عطيني رايك .. وقولي .. شعورك وش هو يثيره
علامك ساكته .. وش بك بدأ وجهك كذا مبهور
ـــــ عسى مااشر قوليلي ... أشوف بعينك .. الحيرره
علامات العجب قامت بوجهك .... تنرسم وتدور
ـــــ أكيد أبكتك هالقصه ........ وحزنك زاد تأثيرره
غريبه .. ماسمعتيها .. ولا حتى ..انا.. يانور
ـــــ صراحه كذبه اتسلى بها .... يارررررربي الجيره
دخيلك لاتلوميني .. ورب الكون انا معذور
ـــــ أبي أطلع من احزاني ..وقمت ..احكي عن منيره
وإلا ..لاأعرف منيره .. ولاحتى بعد منصور
ـــــ ولكن .. مابغيت أحزن ... وقلت .. أغير السيره
على كل حال لاهنتي اشوفك بالفرح ..يانور
ـــــ بروح انام يمكني ... الاقي .. بالصبح .. خيرر
.