ما تبكي غيبة الراعي شيوخ
.
.
للالم عزه ... وللحزن إبتسامه
ــــ وللكيان اللي ... تشوفينه شموخ
كانها فرقا ياعمري .. بالسلامه
ــــ ماتبكي غيبة الراااعي .. شيوخ
تكرم الدمعه ... ولاتنزل ندامه
ــــ ينتشي قلبي ... ولايقبل رضوخ
دامها بالحب .. توصل للكرامه
ــــ فارقي وإحساس ركبك ... لاينوخ
ليل حبك لو كسى قلبي ظلامه
ــــ ماأخافه .. دام للعزه ... بزوخ
للكرامه نور..لاصارت عدامه
ــــ وللمحبه حد ... لاشفتك تخوخ
لايغرك قلبك وشووقي لغرامه
ــــ ولاتغرك ضحكتك يوومي أدوخ
إيه أحبك .. بس للواقع نظامه
ــــ لاتسويلي بها ... صـيـد وفخوخ
كان مرك ناس حبوا وبرخامه
ــــ عاشقك بالمرجله .. قلبه رسوخ
مايسامح من نوى يجرح كلامه
ــــ ولايعديها .. ولايقبل .. نسوخ
ماأبالي لو نويتيها ... هدامه
ــــ أقلب قصور المحبه .. لعش كوخ
ومن يلاعبني على مرسى هيامه
ــــ لايفكر يووم في قلبي .... ينووخ
ياصغيره أسمعي نووح الحمامه
ــــ مات أبوهم .. من يربي هالفرووخ
أسمعي ماهو عتاب ولاملامه
ــــ أسمعي قول ٍ بقوله من شمووخ
كانها فرقا .. ياعمري بالسلامه
ــــ ماتبكي غيبة الراعي ... شيوخ
.