تكملة لما سبق
.
.
إبتداءً من ( عشقتك )..نسبه لما لايقال
ــــ ومروراً بـ ( هويتك) .. تكمله لما سبق
وإنسياق ٍ مع ( احبك )..لأخر حدود الخيال
ــــ ماأحس إن فيه كلمه .. ( سابقه لما لحق)
مع بلوغي بالمحبه .. طيش ماقبل الهبال
ــــ ومع نبووغي بالتغزل ..حد مابعده فسق
ماقدرت اوصف شعوري وأعطي لحبي مثال
ــــ ماقدرت انظم قصيده فيها .. مما تستحق
اللي أحسه تجاهك ؟؟ شي أشبه بالمحال !!
ــــ واقع أقرب للخرافه .. رغم إنه منطبق
عمق في تجسيد ذات إحساس..فاق الامتثال
ــــ عجز عن تكوين مغزى لو ربع ربعه لبق
كيف مدري بس أحسه شي وصفه كالمنال
ــــ كالمنال الصعب تعجز وصله بشتى الطرق
معظم أنواع المعاني ؟؟ تاهت تدور مجال
ــــ ومجمل الشعر وبحوره تاه في بحره وغرق
هالشعور اللي أحسه .. فاقني بووح وخيال
ــــ وأنكسى صمت وتوشحت ملء هدومه عرق
لاصفه تقدر ..تعبر,,,ولانفع.. بالحال حال
ــــ يرحم كتاب المنجد والمعاجم ,,,, والــورق
اللي أحسه وأعرفه .. إني ميت بك وصال
ــــ واللي أعرفه وأحسه .. إني ذايب بك عشــق
إنحلال بكل قطعه فيني .. يقبلها إنحلال
ــــ من تفرع لتشعب .. ِلشعوووور المندفــــق
كلي أنصب بغرامك .. وأسترد الاعتدال
ــــ وبعدها أسكن دقايق فيك ,,,, وأرجع أنبثق
مافهمتي شي أدري وأدري إني الهرج طال
ــــ وأدري إن البوح حظه من مشاريهه عبق
بس تدرين أسمعيني بختصر لك هالمقـال
ــــ (إيه أحبك موت والله) وهذي زبدة ماسبق
.
.