تكفين ردي على الجوال مـن شانـي=وان كان ماهوعلى شاني على شانـك
انـا تولعـت بـك والسبـه اعيانـي=من يوم شافت عيوني نظرة اعيانـك
وصفك فريد وعجز عن وصفك لساني=يحلا من الغند حكين صاغـه لسانـك
يازين مبسمك والشفـه والاوجانـي=ليا تبسمـت بـان الـورد باوجانـك
وزين الشعر لاتدرج فـوق الامتانـي=والخصله اللي رسمهـا فيـك فنانـك
وقوامك وصدرك وخصرك ومابانـي=والخافي اعظم وشانك كيفـك بشانـك
روفي بحالي ترانـي حيـل ولهانـي=مغرم وصابي جنـون وزاده اجنانـك
وترا لشوفتـك ياالمجمـول شفقانـي=لاواهني امـك ابشوفتـك واخوانـك
وياحظ حتى قصرا منزلك مـن دانـي=وياكبر حظ ازمـلا صفـك وخلانـك
تراي مجني عليه وصرتـي الجانـي=ياقسي قلبك على الصـده وهجرانـك
ترا بدر مغرمـن باالحيـل هيمانـي=روفي بحالـي لعلـي فـدوة اعيانـك

الموضوع الأصلي: [ الــجــوال ,, بدر بن لامي ] || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::