مدام مازلت قادر احبك الفكره=ولازلت رغم المرض ياشعر بي باقي
تعال ياهاجسي قبل تجي سكره= تبلغ تراقي تلف الساق بالساقي
ياحب00برهن بأن الحب له مكره=وياقلب اعلن بأنك رهن الاشواقي
اثبت لهم ان طيرك ماهجر وكره=ولاكل طيرن لو انه حر لحاقي
وان الاماني تموت اليارحل بكره=تموت طبعا00فطبع الموت سباقي
والموت وان كان راع الموت مستكره=يستسلم ال00موتته والرب خلاقي
اشوفني والمرض اصبحت محتكره=استغفر الله ودمعي ملئ الاحداقي
يارب عبدك 0فقير وامعه00نكره=يرجوك عفوك اذا يبسن الارياقي
يالوالي اللي جميعا نلهج بذكره=يالعالي اللي جثت له كل الاعناقي
يارب يامن فلانوفي لهو00شكره=اطلبك رحمتك ياربي من اعماقي
هذا00000وعسى الغالي اللي اعشقه واكره=افراقه يكون رغم البعد مشتاقي
ابيه يحفظ بقايا الحب والذكره=وابيه يعلم باني كنت به شاقي
قولوله ان القصايد فيه مبتكره=وان المرض يشبه الاشواق حراقي
وقولوله اني ولو اموت مفتكره=واني
حزين الفراق وخاطري ضاقي