جيت المكان و كنه اليوم ما كـان
بنى عليه العنكبوت و غـدى بـه
ما كن وقف به من الغيـد غـزلان
كن الزمان اللي زهى به هزى بـه
عبوس كن الوقت ما رد له شـان
شاب و تهاوى كيف ضيع شبابـه
أقفت سنينه و الهوى تو مـا زان
كثر العنى خلـت سنينـه تشابـه
مكان لكن في الحشا كنـه إنسـان
أقدره و أغليـه و أعشـق ترابـه
أغالط سنينـي و أعـود للأركـان
من حشمة اللي للهوى قد وطى به
له في خفايا القلب منزل و مسكان
أخفيت عن كل الخلايـق صوابـه
لكنه جـدد علتـي و الخفـا بـان
يا ويل حالـي ليـه مريـت بابـه
يا زارعين الهم تجنـون الأحـزان
و الورد من يجنيه ينقـل صوابـه
لأن الوصل سلطان و الهجر سلطان
و الكل منهم في الهوى له مهابـه
جيت المكان و كنه اليوم ما كـان
بنى عليه العنكبوت و هـزى بـه
: