سلام من عذب
المشاعر نزفه=يحمل بطياته شعور العشاشيق
اليك ياللي ماحوى الحسن ضفه=وغصون حبه وسط قلبي مواريق
حبك بكفه والعذارى بكفه=يامنوتي من دون كل المخاليق
منك القصيد استلهمه واستشفه=حتى يكون لصادق الحب توثيق
والله لو نظم القوافي نصفه=في مابلغ حبك.. تشيب الطواريق
ياغاية القلب المتيم وشفه=حملت قلبي بالهوى فوق ماطيق
محروم عطفك يادعج العين وفه=حقه ترى بينك وبينه مواثيق
لولا الاماني والتصبر يحفه=ضاقت..وقلت الله يحدك على الضيق
وعلم عزيز النفس..نفسه تعفه=عن بوح مايخفية وسط المعاليق