قصيدة للسجين السعودي في قطر الشاعر وبران ال كليب
على فكرة قضيتة التي مسجون من اجلها تبيض الوجة
ادعوا له ان الله يفكة
يانوف اظن الصمت يغني عن البوح=لاصارت اذن البعد ماعاد توحي
مجروح(تن)جيتي وانا جيت مجروح=والدرب وجه(ن)اقشر ووجه(ن) سموحي
أهدي الجروح لعاشقك واخذي الروح=راضي بجرحك كان ترضيك روحي
وروحي وانا مجبور لارحتي اروح=واحيا على صمتك وصرخات بوحي
ودام الزمن خالط وفا جده مزوح=وانا شقا جدي تسوقه امزوحي
برحل وبكتب ياخطا العشق مسموح=حتى ولويقتل غموضك وضوحي
برحل وبترك باب الامال مفتوح=والياس اذ انه ياس يكسر جموحي
وانتي بشوفتك ابني لوصلي صروح=وقولي لورقا عيد الافراح نوحي
ويانوف حبر خط فرقاك باللوح=كنة كتب بموادعك نزع روحي
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|