انا لي
ثمان سنين اجامل وانا مجـروح=أكن الموده داخـل الصـدر واكتمهـا
يجيني بلا في وسط قلبي يزوحـه زوح= خطيرٍ معاليقي مـن القلـب يصرمهـا
سبايب مـودة جـادلٍ مابهـا مصلـوح= تبهذلـت منهـا مابـه احـدٍ يعلمـهـا
يقول ارحمي روحٍ تبلت لها فـي روح=هي العوق والاسباب مانـي بظالمهـا
خذتني وجرتني بضحكة غلا ومـزوح=تهايفت معها ليـن طحـت بمراحمهـا
وانا مبتلٍ فيها ولالـي وراهـا شبـوح= مفاتيـح قلبـي فـي يديهـا مسلمـهـا
اليا قلت خفي حبك اللي تعـدا المـوح= تجيني بنغمات ٍ على القلـب ترسمهـا
تجيني باساليبٍ تزيد الجـروح جـروح=خذتني بضحك احجاجها مـع تبسمهـا
تبسم بياضٍ كنهـا اللولـو المصحـوح =أو الـدر مـن بكـر ٍ سريـع ٍ ترزمهـا
عليها الحلا والملح كنك تكوحـه كـوح= حضيض الفؤاد المسعد اللـي لايمهـا
هاك الغره اللي مثل برق ٍ لنوره ضـوح=سنـا مزنـةٍ ترعـد وتبـرق مقادمهـا
عن المترفات الضمّرالعقش فيها نـوح=تحشر النفوس اللـي قـوي ٍ عزايمهـا
تمريع مثل زملوقةٍ في محير الصـوح=عدلها النسيـم ورايـح الوبـل داهمهـا
اليا شافها راع النظـر حـار مايـروح=تكلم حشـى لله ماهـي مـن اوادمهـا
لاهي حص لاياقوت لاجوهر ٍ مطـروح=تقـل فضـةٍ مصبوبـةٍ مـن مناجمهـا
هوافٍ خواصرها الجدايل عليها سبـوح=كساها اشقرٍ ياصل اليا الردف ضايمهـا
مثل ذيل شقراً ماعليهـا ثـلاث قـروح=تكـم السبايـا يـوم تطـرخ قوايمهـا
اليا سلهمـت بعيونهـا عدّنـي مذبـوح= تبنجت حتـى كلمتـي مقـدر ابرمهـا
هذا هو بلاي وهو سبب جرحي المفتوح= من اسبابها افـرق هجوسـي واليمهـا
عديت وتعبت وطحت والكبد فيها فلوح=تهيج الجـروح ولاش شـئٍ يدمدمهـا
علي الخطر وشلون تلعبـي الشحـوح=مثل مالعبت بغيرهـا صـرت رايمهـا
على كيفها تومي بقلبي سـوات اللـوح=بلاي الغلا اللي بسرة القلـب واسمهـا
حلايا المهاه اللي ذعرها دبش وسروح= وراهـا تشـب النـار فيِِِِِِـه وتشعمهـا
ليا جيت ابا ازعل ردني حكيها المملوح=يجيني بـلا حتـى عيونـي يغمغمهـا
جدايه جدا ورع ٍ جـداه البكـا والنـوح= يبـا حاجـةٍ مخفيتـن امـه معالمهـا
يالولا يالولا ان الخطا فاعله مفضـوح= ماعود محيم وعبرة الصـدر ازايمهـا