]هذه القصيده قالها الشاعر بعد ان رأى لقاء شاعر المحاوره العملاق

(( خليف بن دواس المطيري )) [/]

انا شاقني ماقالـه خليـف بـن دواس=على شاشـة التلفـاز عبـر الفضائيّـه
تحريت بثه من معزة صليـب الـراس=ابوطارق اللـي لاكـوى ينجـح الكيّـه
سياسي محنك بالملاعب صعيب امراس=رموزه وحدهـا تورخـه هيرغوليفيّـه
آرسطو لو انه حاور خليف بين النـاس=يكب التفلسـف والرمـوز الغموضيّـه
دراسات ابوطارق على الموقف الحسّاس=دراسـات هتلـر بالفنـون القتالـيّـه
يزخرف حروف الشعر بالدر والالمـاس=يقـدم لجمهـوره فنـون النجومـيـه
ومن جاه متغطرس عليه الجنون لبـاس=يداويـه ابوطـارق بسرعـه جنونيّـه
كثيرين متحاشين لعبن علـى مقيـاس=ليا شافوا العملاق صـدّوا عـن الهيّـه
هل المصلحه ماتخدم الذوق والاحسـاس=هدفهم تبـادل مصلحاتـن خصوصيّـه
ليا من عزمهم صاحب الحفل والاعراس=يقولـون حنّـا شاعـريّـه جماعـيّـه
(رجا) مانريد فلان واجناس دون اجناس=علـى شـان تبقـا معرفتنـا حميميّـه
يبا يعجز التاريخ ياخليـف بـن دواس=يقـدّم سواتـك بالشـعـر وبمعانـيّـه

الموضوع الأصلي: فهد بن محمد الخس و خليف ابن دواس المطيري ,, || الكاتب: عذب المشاعر || المصدر: منتدى الجبلان الرسمي

المصدر: ::منتدى الجبلان الرسمي::