ودنا بالطيب بس الدهر جحـاد طيـب=كل ما تخلص مع الناس كنك تغشهـا
يدك لامدت وفاء لاتحرى وش تجيـب=كان جاتك سالمه حب يـدك وخشهـا
كل ماشبيت نار المحبـه مـع حبيـب=قام يسحـل فـي مشاهيبهـا ويرشهـا
وكل ما واجهت لك فالزمن وجه غريب=مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب=جعل قشاش الحطب لاسـرح يقتشهـا

كان عينك ناظرت في عجب وقت عجيب=أسرق أيتـام العـرب مرتيـن وعشهـا
قالوا اللي جربوا كل طيـر لـه لعيـب=قبل صيـدك للحبـارى تعـل ونشهـا
وكان كفك سالمة لا تعرضهـا الطبيـب=خوذ كلمة عن ثمـان بـلاش وطشهـا
الرعايا بالهوى من بعيد ومـن قريـب=عن مراعي خاطرك خذ عصاك وهشها