بمصاحب اللي يعرفون المواجيـب = تاخذ علـى عاتقـك رد الجمـايـل
تدمح له الزله وتسعى وراء الطيب = وتبذلـه المجهـود والشـك زايـل
ولا الردي ون جاك في اول السيب = لامــــات مـا يلقـا فعـول ودلايـل
همه بهالدنيـا رضـات المعازيـب = يامدور النومـاس والحـظ مايـل
المرجله ماهي بكيسن وسط جيـب = المرجله ماهـي غصـون تمايـل
وانا كشفتك يـا كثيـر العذاريـب = همـك وغمك في عيـال الحمايـل
اسمع وركز في كـلام الاشانيـب = مقولتـن كانـــــت علينــــا تخـايـل
محدن يصدق رفقت التيس والذيـب = واليوم نسمعهـا مـع كـل قايــــل
هذا اختصار اللي كسى راسه الشيب = توه صغير وشاف شوف الهوايـل
الشـــــــــــاعر / خــــــــــــالـــــــد الهيـــــــــــت
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|