قصيدة-_-لشآعرٍٍ-_-بدرٍٍ-_-آلجبلي.........

ياراكب ن من عندنا وسط إيربـص
مدري بوينغ سبعه وسبعه وسبعيـن
يالكبتن اللي من على مثلها اختـص
اتجوبهـا بيـن الديـر والبـلاديـن
يموجه الرحله علـى دار قبـرص
رحله رقم سته وخمسـه وعشريـن
بلغ سلامي للغضي بكامـل النـص
قله قسم قلبـي مـن البعـد نصيـن
انامعي نصـه وباقـي معـه نـص
والحال بريت والكرى حارب العين
واصيح صيحت من له الداب يقرص
واحتار حيرت من قضى مدة الديـن
قله ولو هو كان في حالي ابخـص
ابخص بحال اللي طوا حاله البيـن
وقله على اللي مامضى منه يحرص
يحرص علينا مثل محنا حريصيـن
قله مدام القلـب وافـي ومخلـص
ولا حب غيره والعـذارى ملاييـن
قله قبل قـدر الامـل فـي ينقـص
ويصيبني ماصاب قيـس المجانيـن


وسلامتكم:
تحياتي :: المطيري

الموضوع الأصلي: قصيدة-_-لشآعرٍٍ-_-بدرٍٍ-_-آلجبلي......... || الكاتب: AL_MOTARY || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::