ماهو صحيح النار تـرث رمـادي=لاتعمم المعنى على كل الاجنـاس
جرم الغضا ماهوب مثل الكدادي=فرقٍ كبير وكل نـارٍ لهـا سـاس
ولد الردي لاجا الردى منه عـادي=البوم عشه مايجـي فيـه قرنـاس
والطيب ما يلقا علـى جـال وادي=الطيب
ماكر يارثه راس عن راس
النار ترث نار لـو قيـل غـادي=ماهمني لو عارضوني بها النـاس
ثبّـت علمـي لابغيـت الوكـادي=عساس طيب ان كان للطيب عساس
عبدالعزيـز ارث فهـودٍ عـوادي=كنه يعيش بوسطنا طيـب الـراس
علمٍ يخلي هايـج المـوج هـادي=وبرهان يبقى طول الايام نبـراس
تم الكلام اللي علـى النجـم زادي=نوادرٍ تمشي على خـد قرطـاس