ياهاجسي ابدع لاجل نفع قاريك = ابدع حكم وامثال فن وبراعه
ودي بهم مفهوم غامض معانيك = الكل يدرك مقصده وانطباعه
خص الذي خان العهد مايراعيك = بدل حبال الوصل هجر وقطاعه
يافلان انا من بدت الناس شاريك = وانت الذي عرضتني للبياعه
سلمت قلبي في يدك كنت موفيك = ماكنت اضنك ماتصون الوداعه
بعته لخاطر هرج من كان يغريك = لينه غدى وانت سبب في ضياعه
خلاك تتركني بوسط الشرابيك = اغواك واتقن فيك حرفة اخداعه
ماكنت اصدق كذبةً في تغويك = تتبع هواء من شاع عني اشاعه
حطيتبي كل الردى من ترديك = وجزيت حبي جرم واللعن بشاعه
ماشرهه على الناقص انا شرهتي فيك = يومه كذب تنصت بحسن استماعه
صديت عني يوم انا اصرخ واناديك = خليتني وسط الخلا للسباعه
شلتك على متني طموحي اعليك = ترقى وانا وقتك اقاسي صراعه
ويومي وصلت بك ا لقمر جيت اناديك = خليت قلبي زايدً باللتياعه
دمرت حالي ياعسى الله يجازيك = قدري نزل عند الاهل والجماعه
شهد زور بكذبةً صنعها ليك = ذعوبها بين البشر كالاذاعــــه
جور على جور الزمن جت بلاويك = يالين ضاق(بي) الفضاء باتساعه
مير استمع مني وفتح اذانيك = والله لاسد الدين واطوي شراعه
لوتجتمع ثنتين بالرجل تغنيك = حيث الرجل وسط الوفا والشجاعه
لو زدت في هجرك لنا مع تغليك = هذل نفسي لك انا لي مناعه
لوك من كبار العرب والمماليك = الله وهبني كنز يدعى القناعه
لاتحسبني بتبعك ذل وارجيك = من عافنا (يحرم) علينا اتبااعه
دامك مقفي رح وانا ايضا مقفيك = وكلن يدور في زمانه متاعه
بكره تجي والله لاذلك وابكيك = ياهيه لاتامن من العمر ساعه
مادمت معلن للجفا في تحديك = ابشر برجالً مشمر ذراعه
بكره يجيلك يوم انا فيه واطيك = واهين حبك دايسه وسط قاعه
بنهاك وارجع وابتدي فيك وانهيك = وخل التغطرس ينفعك واللكاعه