ماكنت أصدق تصير قريب من عينـي=حتى بالأحلام صعب أنـي أصدقهـا
بس الله جابك وصار البعـد مترينـي=والعين في شوفتك محـدن يضايقهـا
ياسيدي وأنت أول من سكـن فينـي=ياأمنيّـه ودي بالدنـيـا أحققـهـا
ذكـراك دايـم بعينـي ماتخليـنـي=أشوفك بكل مغرب شمس ومشرقهـا
من يشبهك أنـت يـا ورد البساتينـي=كل أرض ماجيتها يبسـت حدايقهـا
أغليك وأرضـاك بالدنيـا يكفينـي=بس أنت ترضى؟ .. جميع الناس أبحرقها
غلاك ماهوب لـه يومـن ويومينـي=من مبطي والروح بين يديك سارقهـا
هو أنت لاحظت يوم أنـك تماشينــي=وشلون رجلي على ممشـاك سايقهـا
ماغير أحاتيك مـن ناسـن مجانينـي=عيني تراعيـك والدمعـات خانقهـا
لاتحسب أنـي خلـي والله معافينـي=مر الليالـي سبـب فرقـاك ذايقهـا
ماكنت أصدق أشوفك أنت في عينـي=حتـى بالأحـلام و الله ما أصدقـهـا

آخت القـمـر