ياماخذ القلب قلبي وين وديتـه = نطرت قلبي يجي منك ولا جاني !
رحت اتحراه يرجع والحشا بيته = والظاهر بقربك ارتاح وتناساني
وشلك بقلبٍ تضمـه ماتمنيته = عادي تضمـه ! وعادي تضمـلك ثـاني
ماهي غريبه ليا جالك وضميته = وسيع ذمه عسى ربي لايبلاني
ماخفت ربك وقلبي ماتبنيته = غيرت قلبي على ورحت تجفاني
ابيك تذكر وشـلي معـك سويتـه = راجع ظميرك ورتب جمـله أحـزاني
حتى الشعر فيك ضحكته وبكيته = يضحـك على شانـك ويبكي على شـاني
في داخلي لـك كلامٍ ماتـهقويته = كـلام لاجيـت أقـوله يثقـل لسـاني
كـلام فالصـدر من سبتـك كنيـته = عجزت اقـوله مـاكن لسـاني حصـاني
حبل الوصل من يدينك ليه هديتـه = حـاولت أشيـله ولاكـن طـاح مـا أمدانـي
وقفـت حتـى مكـاني ماتعـديتـه = كن الصـبر مرني عجـل وتعـداني
فنجال
فرقاك من صدك تقهويتـه = والحزن غيم على الصدر وتقهواني
على كثر مانزف جرحي وداويته = على كثر ماندمت وقلت وشـ جاني
اللـه يسـامحك قـلبي وين وديتـه = والله يسـامحه قلبي وين وداني