غابت الشمس ..
غابت الشمس وإلا الحزن له مغربه
..................... وين أبغرب وأنا حزني غروبه ثقيل
مجدبه ياجروحي والسماء معشبه
..................... ساكنه والهوى ميل جريد النخيل
بارده ياحروفي والدفاء موهبه
..................... بارده مثل برد الخوف والمستحيل
صوتٍ أبعيد في قلبي ياليت أقربه
..................... وبين قلبي ومابيني طريقٍ طويل
ليت حزني مثل حزن البشر وأكتبه
..................... وليت دمعي مثل دمع العيون ويسيل
أشهد أني ردي حظ وردي تجربه
..................... وأشهد أني على بعض المشاعر بخيل
أيه مذنب في هالدنيا وهي مذنبه
..................... من دفا حلمي الطيب لبرد الرحيل
عذري اللي متعبنّي وأنا متعبه
..................... مال قلبي على بعض الهقاوي دليل
كل طيرٍ له اللي بالسماء يجذبه
..................... وكل غصنٍ تجوز له الهبايب يميل
صرت أقول الكلام المر وأستعذبه
..................... صرت أخاف الدفاء لوني وحيدٍ نحيل
كم صبرت وليال الصبر مستغربه
..................... لين قلة حلاة الصبر لو هو جميل
الزمن صعب والنسيان يامصعبه
..................... والدفاتر نشيّلها الهموم وتشيل
****
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
البنت هذي خذت من طبع ابوها الكثير ................حتى بضحكاتها تشبه لضحـ(ت) فهد أليا ضحكت كل عضو بداخلي يبيطير ................وليا زعلت زعلت امه وضاقت بلد لو تطلب المستحيل أليا بغته ليصير ................وان قالو الناس ليه اقول دانه فهد عشانها يرخص الغالي وقدر الكبير .................هذي بنيه وتسوى في عيوني ولد ..
|