السلام عليكم ورحمة الله وبركاته


هذي الابيات انا محتفظه فيها من تقريبا سنتين ومن صديقه لي ولكن لا اعلم هل هي اللي كاتبتها او لشاعره ولكن بعد الاذن منها بأني سوف اطرحها في منتدى الجبلان حبيت اني اخذ رايكم فيها وتقبلوها مني :kk:


أصيـــله جميله تايهه في ظلام التيـــه
ظلمهــا الزمــان ولاحدن سمع صيحتــها
هجرهــا ولد عــم جهـــول يمد ايديــه
الى نجمتن ماتمــلك الا براءتـــها
يحدونــها صوبــه غصيبــه ولاتبغــيه
هتيلــن تباعــه ناس ماهوب صيدتــها
تعلق نظرهــا فوق مــاودهـا تـرخـيه
على عالــي الاغـصان غنت حمامـــتها
تبي واحدن ماغــير عنه النباء توحــيه
مدوحــه طـوت كل الديــار ومســافتهـا
عشقتــه عشــاقه قبل عرفه على طــاريه
لاهو داريا عنها ولامــن جمــاعتـها
تمنى لو الحــظ بيدينــها يرمــيه
وتشــرح له أســرار المحبه ولوعتــها
تحبها ولكن ماتبي ســرها تبديــه
ياماكثـر محبتــها وياقـل حيــــلتها
منعها الخجل لاترسل المرسلين الــيه
على كل ماجاها ماترخص كرامتــها
يطول الزمــان وكل يوم تقول ارجــيه
توجد على الغايــب وتكــبر محبــتها
الى سمعــت اسمه قالت : فلان يالبيه
تنهد وتخفــي بين الاضلاع ونتـها
وبعد صبرهــا غلق وقالـــت ياحظــي ليــه
على غفلتن منها تقــدم لخطــبها
وغــــمرها الفرح لكن ماكملت تالــيه
من اسباب ابوهــا يابس الراس واخوتــها
قالو بنتنــا معطينــها فلان مانسخــيه
وعيبــن عليــنا يوم نمشي برغبتـــها
ولد عمها الاقرب عساها فدا رجـــليه
ترى البنت ماتطــلع من ابناء عمومتها
بحكم العوايد سفهوا رايها تسفــيه
وعلى ثغرهــا قامــوا بذبح ابتسامتها



وسلامتكم

اختكم غلا الصمان