امعربه مثل الكحيله و من يدل الدرب سـار
ماتنحـنـي الا لمـولاهـا ولـحـد قـدهـا
ماهي ترى شاويتن ماتنعرف مـن اي كـار
ولاهي من الصناع وحمول الزمـن ماهدهـا
من ساس اشراف العرب مامن تملق وانكسار
قد قالها قبلـي كبيـر رح ردهـا رح ردهـا
حنا اليا منا بطشنـا نـودع القيعـان نـار
واليا غزينا نشرب الدم الحمـر مـن عدهـا
فينا طناخه من قدم ولاخاب منهـو استشـار
قد قالها قبلـي كثيـر وانـا بعـد بأعدهـا
للمجد ترقا لابتي من فوق غاليـات المهـار
والعز وسم اجدودنا و مازال يخطـب ودهـا
انا الاصيل النادره بنت الشرف بنت الاحرار
عند الكريم الوافي اللي حالـف مـا يهدهـا
لي لابتن وقت اللقـا تقلبـك الدنيـا دمـار
لو انتخي باصغر طفل على رويسـك هدهـا
جبلان لا ثار الدخان نودعلك الهيجـا شنـار
اعيال الجبلان عزوتي تكفون منهـو ندهـا
|