بعض العرب حبة يـوردك الجنـون =ولا يوصف له غـلاة حكـاك لـه
مايقنعه وسط الغلا لـو وش يكـون= لو كل حرف بالحريـر يحـاك لـه
الموت جاك وهـو تقلبـة الضنـون= ولا لك الا الصبـر وش وداك لـه
ان قلت ضايق قال هونهـا تهـون= مايدري ان ضيقتك له وبكـاك لـه
تقعد تحبه وانت ساكـت ومغبـون =يمكـن بيـوم يقـال مااوفـاك لـه
وكانك مشكك هم يمون او ما يمـون= تخيل ان عفت الصبـر فرقـاك لـه
غلا ومن فوق الغـلا ماهـوب دون= حكاه سمعك يجبـرك بأرخـاك لـه
ودك تحطه في العيون مـن العيـون= وتبسط على رمضا الثرى يمناك لـه
وتظله من الشمس في ظل الجفـون= ولا يمر اذنـه سـوى لبـاك لـه
وتسج من غيره لو انهـم يذكـرون= ومنين ماسجت القـدم ممشـاك لـه
غرو يميله الترف ميـل الغصـون= غصنً ميال ومكرمه باسقـاك لـه
جديله اليى اقفى ستر منـه المتـون= كني بريحه لاألتفـت لأدعـاك لـه
كيك وعسل لكن ماهو في صحـون= ودعاك من عين الحسود غطاك لـه
الله لايعطيـه نــاسً ينضـلـون =ويستعلية مـن النحـل لا ياكلـه
الوصف والتعبير في وصفه يهـون= غير اطلب الله يستجيب دعـاك لـه
وعذال قلبـك فـي محبتـه يهبـون= سكينهم عـن قطـع حبلـه حاكلـه
ناس عن اعراض العرب مايعرضون =ودايم على نفـس الشكـل والشاكلـه
اللـي مـن لحـوم الاوادم ياكلـون= وحلوقهـم دفـع البـلاء متواكـلـه
في سلمهم اولى بالاكـل الاقربـون= واطيبهم اللي صيدتـه شكـواك لـه
عازمهم الشيطـان للذنـب ويجـون =هـذا يقطـع لــه وذاك يواكـلـه
ياجعلهم فدوة ثـر الغـض الفتـون =اللي على الدرب الطويل خطاك لـه
طيفه الى نام البشـر زارك بهـون= وطيفك الى نام البشـر سـراك لـه
حبه دفان ومقبرة خضـر الطعـون= بين العظـام العـوج كنـك ناكلـه
اللي كذا حبه لـو تمـوت مغبـون= ولا لك الا الصبـر وش وداك لـه

الموضوع الأصلي: ((ولا لـــــــــــــكـ الا الـــــ ص ــــــــبر وش ودااااك لـــــــه)) || الكاتب: عذب المشاعر || المصدر: منتدى الجبلان الرسمي

المصدر: ::منتدى الجبلان الرسمي::