السلام عليكم ورحمه الله وبركاته

ارجو ان تقبلوني عضوه جديده بينكم وابي ارائكم لاول مره اكتب قصيده وهذي مشااعر خاصه فيني وابي مشادتكم فيها ...

من غيبتك جسمي غدا جلد وعظام **
الله حسيبك والله اللي يجازيك**
بنيت جرحن في خفوقي من اعوام **
وهدمت صرح الود والعشق بيديك**
لاتحسب ان جرحك بتمسحه الايام **
ولاتحسب اني من تغليك اخليك **
انا علشانك تسجبي الاحلام **
لاول مكانن يوم اشوفك والاقيك **
قسمت حبك في معاليقي اقسام **
وخليتني لاذي ولاذي ولاذيك **
كن الضلوع لمزبن جروحك خيام **
وكن الجفون عن الخلايق تغطيك **
وعن وصل غيرك يالقضي خافقي حام **
ولازال قلبي مندفع لك وباغيك **
قلبي متـــيم بك وهايم بك هيام **
خل الفراق وعود لشوف مغـــليك **
ترا الفراق احر من دمع الايتام **
وترا الوصل حالي خذا من تحليك **
فضحتني مابين اهلنا والاسلام **
مع كل هذا يابو.((فلانه )) اداريــك **
كثرت عذاريبي وغدا القلب منضام **
واسكت ودمعي فوق خدي يناجيك **
وترا زمانك لوصفا يوم مادام **
وترا غرورك للأسيه يوديك **
وبتشوف خفوقك ممتلي هم والام **
وترا العيون بمافعلته توريــك **
خذاك سوء الظن وظنونك اوهام **
ماتدري ظنونك على وين ترميك **
كثروا علي اعداي حاسد ولوام **
لاقلت زان الوقت شان بتغليك **
ارحم قليبن يسهر الليل مانام **
لرضاك شف تسهر عيونه تناجيك **
وكني سجينن ينتظر يوم الاعدام **
وكني عليلن والدوا منك وفيـك **
يالله ياقاضي نفـذ بالاحكـــــــــــام **
احكم علي بماتريده وترضيه **
كان الطــــلاق الحل احكم بالاعدام***
وان كنت تبي ترجع رجع قلب يغليك**وسلامتكم ،،،


ولا احلل اي شخص ينقل القصيده او ينتسبها له

الموضوع الأصلي: الله حسيبــك والله اللي يجازيـك ,,, || الكاتب: غـ الصمان ـلا || المصدر: منتدى الجبلان الرسمي

المصدر: ::منتدى الجبلان الرسمي::