الأمير : فيصل إبن شبلان

السلام عليكم ورحمة الله وبركاته

منذ فترة طويله وانا اجمع مذكرات عن شيوخ مطير واللي جاء دور رجل له مكانه رفيعه في القبيله وعند جماعته الجبلان

هو الامير فيصل ابن مرزوق ابن فراج ابن مفرج البعاج ابن شبلان

نشاء منذ صغرة في بيت خاله الشيخ ماجد ابن الحميدي الدويش شيخ مطير في وقته
ولم يعلم انه من الشبلان او الجبلان الا بعد سن 13 عشر من عمره فذهب الى الجبلان

وعاش في بيته اخيه الاكبر فراج ابن شبلان والد الشيخ مسير ابن شبلان
بعد سن العشرين صار له شان ووقار عند ربعه الجبلان وجمعهم وغزى وكسب ابله المشهورة المغرى

وصار قائد عظيم وشجاع وصاحب راي سديد
حبوه جماعته الجبلان وصار كل غزوة يغزي فيها يوزعها على جماعته الجبلان
فمنها قصيدة لشاعر شمري من الهزاع يقول



يالعذب يالابس السبهـان يالابس الثـوب المقمـر
عليك انا اشفق من التتان لابطى عن التتن ماعمـر
ياشبه وضحاء لبن شبلان كسب له العام من شمـر
ناقة شداده على الجبلان كسبه على الفطر الضمر


والقصيدة اطول من ذلك

بعدها قصد فيه الشاعر زيد ابن زعل العناني



أتعبنا ابن شبلان واذهب جيشنـا من ساس عود(ن) هو مقر الجود
من اول ذلولي مايطوعها العصى واليوم من ضرب الحيـود ونـود
تخشع كما عبدن مليك مصـودع تامـر عليـه ويبـذل المجهـود
شانت وجيه القوم من طريا الضما تقلبـت عقـب السمايـم سـود
ويقول يالجبلان صلوا على النبي مايستوي فقري وقلـب شـرود
ويقـول والله لـدفـع سابـقـي لمـا تسمـع حنـت المـفـرود
لعـيـون ملهـوفـه الـحـشـا عشيقتـه يـوم النهـود قعـود




بعدها ذهب مع الاخوان مع الدويش وبقي مع الدويش الى اخر مسيرة الدويش
وكتب عنه ديكسون في كتاب الكويت وجاراتها
فيصل ابن شبلان يعتبر القائد الثاني لقبيله مطير بعد الدويش لحنكته ورايه القوي والسديد
وغزى مع عزيز الدويش يوم ام رضمه وخالف عزيز فقال ابن شبلان ياعزيز انت ماشي في طريق خطا ورفض عزيز شور ابن شبلان وخرج ابن شبلان زمعه 150 رجلا خالفوا سير الدويش ونجا هو ومن معه

وكان الجبلان اللي قبل انتهاء ثورة الاخوان يتمنون رجوع ابن شبلان لهم في اللصافه
وكان الشاعر الكبير حمد ابن وازع ارسل ابيات يطلب فيصل في العودة لديارة
يقول


ياراكب اللي عود كورة نجيـرة هيـاف دو يقطعـه بانصرامـي
ماقام حـواف الرقايـع يديـره مفتل الذرعـان حـرن قطامـي
سلم على شيخن قعد له بديـره شيخ ليا جيتـه يـرد السلامـي
فيصل ولد مرزوق زبن القصيرة وزبن الطحوس ليا تشذت بشامي
هو شيخنا لاجت علينـا كبيـرة لا انحاش عشيق البنات النعامي


وبعدها صار وكيل للملك عبدالعزيز على ريمه
فزوعها على بني عمه الجبلان واعتاشوا منها وحفظوها حتى مات ابن شبلان وبعدها صارت على ابن اخيه مسير ووزعها على الجبلان بعد ماطلبها من عبدالعزيز



وكثير من القصايد والوقعات صار ولكن اكتفي اليوم بهذا الطرح وسانقل لكم التكمله في اقرب فرصه لي

ولكم من خالص احترامي وتقديري
أخوكم *·~-.¸¸,.-~*الهـــــتان*·~-.¸¸,.-~*
منقوووووووووووووول

الموضوع الأصلي: الأمير : فيصل إبن شبلان || الكاتب: الهتان || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::