نــــوف الميموني .........

أخترت لكم مجموعة قصائد للشاعرة نوف الميموني وهي غـنية عن التعريف...




بكرا يدور الوقت وتشوف وشلون ؟

بآخذ مكانك وإنت تآخـذ مكانـي

أدوارنا مابيـن عونـن وفرعـون

متفاوته مابيـن مجنـي وجانـي

ياصاحبي والسين تفرق عن النون

يفرق زمانك عن حكايـه زمانـي

تركيبتـك لاريـح لاطعـم لالـون

تركيبتي في كل طيـب إتحدانـي

قالـوا وقلنـا والأوادم يقـولـون

وبكرا يجيك الدور وتقـول ثانـي

هرجن تردد بين عاقـل ومجنـون

وكل يعرفه بيـن قاصـي ودانـي

" إذا وسوم الطيب في صيت ميمون

تبقى غلاة مطير بيـن المحانـي"

ماقلت لك والسين تفرق عن النون

يفرق مكانك عن مسافـه مكانـي



\\
//
\\
//
\\
//
\\
//
\\




ياحبيبي مدلـي وصلـك آيـادي

ما يِعَرْف الحب حَضْر ولا بـوادي

والله اني يوم شفتك قمـت أغنـي

" إيش جابك من بلادك لي بلادي"

ياكلامن فيـه ابـو نـوره تغنـى

يا نغم أوتـار يعزفهـا عَبـادي

يـ(أجمل) الأشياء في عين الخلايق

من حسدهم يحفظك رب العبادي

يا قديم الحـب وإلا يـا جديـده

أنت كل مره تجدد فـي فـؤادي

في غيابك ضاقت الدنيـا عليّـه

والليالي طعمهـا ماكـان عـادي

بين هم وبين غـم وبيـن ضيقـه

والحنايا داخلي صاحـت تنـادي

إبتعدت وخاطري بالحيل ضايـق

وأنت مدري وش شعورك فإبتعادي

قلت أبنسى وأثرني لاجيت أبنسى

ماذكرت إلا غرامـك يـا ودادي

في غيابك قلت لك مالك مكانـه

والمشاعر وضعها صار إعتيـادي

ويوم شفتك خافقي صفق وغنـا

"إيش جابك من بلادك لي بـلادي



//
\\
//
\\
//
\\



لاتقارني مثل باقي الصبايــــــــــا

نادره منهي تجي لك مثل نــــــــوف

طيبها (ميمون) في جزل العطايا

لاعطت تعطي بلا مـنه وخــــــــوف

كل عينن شاهده للجود رايــــــــا

غير (حمران النواظر) ماتـــــشوف

وعزها (عجمان) في وجه الردايـــا

تشعل الميدان لاسـلت ســــيـــــوف

شامخه تشبه عزيزين (الطنايـــــــا)

هامة العليا تحدت لــلـــظـــــروف

حافز الاشعار له عدة مزايــــــــا

الشعر (قحطان) وإلهامي ضيوف

قل قصيدي تمطر الدنيا هدايـــــا

قل (عتيبه) فزو العالم وقـــــــوف

اقترن طيب (الهواجر) بالنـــوايــــا

واقترن عنبر قصيدي بالحــــــروف

ماجمعت إلا قبايل بالحــنايــــــــا

ولا خذيت إلا مزاياهم وصــــــوف

مو غرور ان قلت لك كل الحكايا

نادره منهي تجيلك مثل نــــوف




\\
//
\\
//
\\
//



مـلـيت مـن جـر الـقلم لـلقصيده

مـليت اعـبر عـن كبر ضيم بلواي

لاهــو اسـتفاد ولاني بمستفيده

لارتـحت مـن همي ولابوح شكواي

قـالوا جـزيله قـالوا انـي فـريده

قـالوا أبـبدع لادنـا وقـتنا الـجاي

نـفس الـكلام الـلي مـضالي أعيده

نفس الحروف ونفس الاحساس والرأي

مـرات امـثل دوري انـي سـعيده

مـرات ضـحكي تـسرقه نبره بكاي

ومـرات اسـافر فـي قصيدي بعيده

ومـرات اودع رافـعه كـف يـمناي

ومــرات طـفـله لاتـغنت نـشيده

صـوت الـبراءه كـلها بـس جواي

دور الـبـطوله عـشتها بـالقصيده

مـسرح قـوافي شـاهدن كل مسراي

أتـقنت دوري فـي حـروفي وأجيده

ومـع كـل هـذا مالهم غير هالرأي:

"انـتي جـزيله انـتي فـعلا فـريده

انـتي قـويه لادنـا وقـتنا الـجاي




\\
//
\\
//
\\




مظلمه في غيبتك كل الْكُويت
والشوارع غارقـه بأحزانهـا
والله انك يوم قفيت وسريت
والسعـاده قفلـت بيبانهـا
واهنّي دربن وطيته لا مشيت
واهنّـي المملكـه وسكانهـا
يسعد الله طلتك في كل بيت
معلن الجيّـه علـى عربانهـا
غرفتن قيّلت فيها أو غفيـت
ليت عيني من حدى جدرانها
فارسي لاغبت عني مارضيت
مهرتك تبكي علـى ميدانهـا
دلتك في مجلسك منها خذيت
في يمينـي حاضنـه فنجانهـا
ياوجودي كان طولت وبطيت
وجد منهي تنتخي بإخوانهـا
دامك فبالي وانا فبالك طريت
المحبـه عـادلـن ميزانـهـا
عجل الجيه ترا حال الْكُويت
والشوارع غارقـه بأحزانهـا

الموضوع الأصلي: نــــوف الميموني ......... || الكاتب: جالي اللوايم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

ماعرفت الا رياجيلـن توجـب
ولاجهلني غير من يجهل مقامي
ماعلى احساسي من الدنيا تعجب
ياكثر مااهديت للدنيـا سلامـي
ماجهلت إلا علامات التعجـب
ولافهمت إلا سكوتي عن ملامي
وليت راع الغتره البيضا تحجب
والله اني ماتشره فـي كلامـي

______________