الصوره اللي بجوالي تعذبني
ياكثر ماجيت ابمسحها واخليها
ياللي جفيت وجفاك المر ذابحني
عقبك وجيه البشر ماعاد ادانيها
من يوم حبك غزى القلب وتملكني
قطعت كل العلااقات وطواريها
اقرى رساايلك ودموعي تسااابقني
وارد واقرى الرسايل واحتفظ فيها
انت اخرى انسان هاقي منه يصدمني
والظاهر ان هقوتي بانت مواريها
لو الوصاايا ليا حتديييت تنفعني
ياكثر ناسن على ذودي بوصيها
ليت الفرح بنك لاجيته يسلفني
واقاصده راحتي واحقوقه اوفيها
اهديتني جرح عاجبني وموجعني
لان الهداايا على مقداار مهديها
يكفيني انك رحلت ومنت عايفني
هذا عزى النفس من كثرة بلاويها
تدري وش اللي عن الفرقا مصبرني
انك بخير وحياتك مهتني فيها
|