ياربعي الجبلان ياسهوم المنايا فـ الزحـام = يـالابتي يامسـندي ياتـاج راسي ياذهـبي
يا أثقـل من جبـال السـراه أن جأء مجالٍ للكـلام = ياللابه الـلي لابغت دايم تجيب اللي تبي
ياللابه اللـي يعشقون الموت لجـل أم اللثـام = ستر العذارى لابسات الشال وأبليس يهبي
يـااقسى من الشفـلى فـ يد الغنـيم والسيف الحسـام = يا اكرم من اللي مدته تغنيك عن راس الظبي
جبلان دايم في نهار الكون فـ الصف الامام = عوق العدو زبن الدخيل اللـي من الظيم يحـبي
حبيتك أشـاركم وانا معـكم على حسـب النـظام = وانا ما أعكـس السـير واللـي يعكـس السـير الغبي
الله يجملني واقـدم شعر مايـلحق مـلام = والله يقـدرني على حـملٍ يشـيله منـكبي
أن كانهـا فـ الطيب والمـأجوب انا قـد المقـام = وأن كـانهـا فـ الشـعر قـبل أقول صـلو عـ النبي

الموضوع الأصلي: كيبورديه متواظعه .. ! || الكاتب: أحمد المجاحمة || المصدر: منتدى الجبلان الرسمي

المصدر: ::منتدى الجبلان الرسمي::