لاقلت لك خلني ... تكفى تخليني..

لاقلت لك خلني تكفى تخليني ... النفس ضاقت وتعرف من مضيقها ... ماني بحاجة علومك لو تسليني ... بعد عن العين وأحسن لو تفارقها ... لاضقت أنا حتى روحي ماتدانيني ... وإليا هدى البال شرقها وغربها ... لوكان غيرك حرام إنه يحاكيني ... لوكان كل الدروب البيض يطرقها ... تدري وش إللي ذبحني والبلا فيني ...؟! بعرف عروق الغلا وشلون تسرقها ...!؟ يمكن تكون الخيانه من شراييني ... وإلا حظوظك يجوز الله موفقها ... ماقلت لحدن سوى ( أمي ) يابعد عيني ... وشلووووون خليتني لعيونك أنطقها ...َ!! ياروح روحي ياقلبي يابساتيني ... يابسمة العين ليه العين ترهقها ... والله من زود حبك صنت رجليني ... ماشفتني يوم أسوق الرجل وأفهقها ... أنا بصفك وأضيع وانشدك ويني ...؟؟ وشلون لارحت جدراني أصفقها ... ماتدري إني شريتك يوم تشريني ... عشان حبك أبيع الخلق وأحرقها ... أرجوك لاشفتني ضايق تخليني ... وإليا هدا البال غربها وشرقها ... اتمنى أن تعجبكــــــــــم .. عجبتني ..ونقلتها لـــــــكم تحيــــــاتي\ هنـــــــــايا

الموضوع الأصلي: لاقلت لك خلني ... تكفى تخليني.. || الكاتب: هنايا || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::