السلام عليكم ورحمة الله وبركاته .. ..
هذي قصيدة الشاعر .. .. بدر بن صاهود بن لامي .. ..
عندما سمع بوفاة فهد بن جاسر الهيت .. الله يرحمه ويسكنه فسيح جناته .. ..
البارحه عيني جزة لذت النوم=ساعت سمعت الي يغث السموعي
تارد علي اهموم وتصدر اهموم=وانا عيوني غارقه في دموعي
أبكي علي الي خوته ماهي بيوم=ولاهي بخوة عابره في اسبوعي
خوة عمر عاشت معي دايم الدوم=انشهدنه من خيار الربوعي
قالو رفيقك جا خبر موته اليوم=وكل الجماعه من وفاته فجوعي
وقعدت لي ساعه وانا تقل مصدوم=والقلب من بين الحنايا يلوعي
وطرت علي اعلوم واعلوم واعلوم=وشعرًَ يصوغه صوغ في كل نوعي
وطرت علي مواقفن كنها احلوم=وطرا زمانن فات ماله رجوعي
رجع شريط الذاكره تقل ملزوم=غصبن علي ماهو بكيفي وطوعي
فهد فهد يسوا ثمانين شغموم=من فجعته خطرن تشلع ضلوعي
الي عن دروب الخطا دوم محشوم=رجلَ عزيز النفس ماهو دنوعي
فهد فهد يمشي علي سلم وسلوم=وبوالدينه وصل ماهو قطوعي
يالله جازه خير لانه علي الدوم=خير وبكل الي عطيته قنوعي
مرحوم يارجلن فقدناه مرحوم=يالله عسا له في جنانك ركوعي ؟
أتمنى التثبيت .. ..
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|