ضايقه بالحيل محتاجه اشتكي
لولا هم بي يمديني شكيت
بس ادور عذر من شان البكي
لو يدوسون بطرف ثوبي بكيت
================
عااابرة سبيل !!!! يعجز التعبير عن وصف شاعريتها وابداعاتها
ولكن حسب علمي ان اخر قصيده لها :
ترى الذبايح وأهلهـا مـا تسلينـي....أنا أدري إن المرض لا يمكن علاجه
أدري تبي راحتي لا يا بعد عينـي....حرام ما قصرّت يديـك فـي حاجـه
أخذ وصاتـي وأمانـه لا تبكينـي....لو كان لك خاطر ما ودي إزعاجه
أبيك في يديك تشهدنـي وتسقينـي....أمانتـك لا يجـي جسمـي بثلاجة
لف الكفن في يديك وضف رجليني....ما غيرك أحد كشف حسناه وإحراجه
أبيك بالخيـر تذكرنـي وتطرينـي....يجيرني خالقـي مـن نـار وهاجة
سامح على اللي جرى ما بينك وبيني....أيام نمشـي عـدل وأيـام منعاجـه
همي عيالي وأنا اللي فـيّ كافينـي....علمهـم الديـن تفسيـره ومنهاجـه
|