من بكوت الهندي مشينـا لفـراج = ابن مصيول جعل الا نـذال تفـداه
وجبنـا اللـي لاتعـذر ولامــاج = عبيد ابن عشوان يومن لـه جـاه
نسل الرجال اللي بساعات الاحراج = تعـرف فعايلهـم نهـار المثـاراه
بالهييه اللي خيلها جموس وادواج = غرباً من الرقعي شمـال المسنـاه
من يوم جينا هيلـع مثـل هـداج = ساعة درى قال الجمل من فدايـاه
قال الجمل مكسور ما عاد يحتـاج = وكلٍ يعرف أنه بخمسيـن مشـراه
ذرب اليمين وطلق منطوق وحجاج = انا اشهد تستاهـل المـدح يمنـاه
من لابةٍ لهم على الخيـل مـدلاج = على ظهورالخيـل يـوم الملاقـاه
حطو ديار القوم للهجـن مسهـاج = على عقيدٍ يتلف الهجـن مسـراه
غزى ثلاث شهور بالقيض وهـاج = ولا انكف الا الوسم تشرب ظماياه
نشت رقاب الجيش ياكود بعنـاج = وخفافن عقب المسـاري محفـاه
من بين قومـانٍ تعـدد بالافـواج = شمـر وعنـازٍ لاكـن الله انجـاه
المدح بالجبلان له نـور وسـراج = نورٍ مثل شمس الضحى الليل تجلاه
هذي فعول مطيـر ياكـل هـراج = واللي جهل بالفعل ينشـد ويلقـاه
قومٍ فعايلهم كمـا الصبـح ينبـاج = واللي تقول الناس حنـا ذكرنـاه