هذه ابيات اتوقع اللشاعر متعب التركي اذا ماني غلطانه
وكم يعجبني هذا الشاعر جدا رومانسي وعاطفي وتلقى في قصايده الكثير من التوجع والحزن
وقد علمنا سبب حزنه في قصايده يقال انه تزوج بنت عمه وكان يحبها لدرجة الجنون وعاش معاها سنين وفجأة طلبت منه بنت عمه الطلاق من غير سبب
يقال انها عيــــــــن صابتهم
واصرت على الطلاق وطلقها
تــــــوديع الاحباب مثل الموت له سكره
ادمى جروحي وشق الصدر منيا
والقلب طـــــير ضلوع الادمي وكره
لاشاقه الطلع لاسلم ولاحيا
مصير الاحزان تنساني وتفتكره
ماكل الايام بيض وسمحه محيا
قل غيرها مانت لامجبر ولامكره
لاصار ماهي غلا مابي لك حمــــيا
لوفي يدي شي ماقلت الوعـــد بكره
حزمت حدب الضلوع وقلت لك هيـــــا
لو كل غالي يجي دايم على ذكره
ماصرت اشوفك هناك وحبك هنيا
ياليتني لابغيت اكره قدرت اكره
ماكان قلبي ليا جيت اكرهك عيا
مادامك معيف رح لكن على فكره
ماقلت لي ليه دمعك ســــال منيا
|