قصايد منقوله عاجبتني

اول قصيده


ياشينهـا لا راح ليلـك ولا نمـت
تونس بصدرك ضيق من حر مابـك
في بوتقة افكـار متشربكـه همـت
ولا لقيت احلـول تشفـي مصابـك
بسباب طعنه باالظهر من من اكرمت
جابك وصابك دون يتنـى جوابـك
وانت اللذي حالف بتغليه لـو مـت
وهديت لـه احلـى ليالـي شبابـك
وانت الذي احلى التعابيـر ولمـت
وخصصت له اولى صحايف كتابك
وانت الذي من فعلت الدون قد شمت
ماترتضـي تغدروترضـى عذابـك
اصبر تحرى والتزم قمـه الصمـت
بيرجع خليلٍ منتكـس مـن غيابـك
وبـرز كلامـك وعلمـه لاتكلمـت
شربت مـن كاسـه ووره شرابـك
وخله يصوم الحب مثل انت ماصمت
وقفل علـى قلبـك مزاليـج بابـك

......................................





كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون



لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون



لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون



ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون



الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون



تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون



وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون



مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون



وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون



إنتـي خرسـا أسألـك ولا منتي تسمعيـن ؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون



آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون



قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون



وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون



يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون



فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون



وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون



بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون



وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون



يالكفيفة يالعفيفـة إن قلـت آسـف تقبليـن ؟؟
يغفر الله ذنوب عبده ليا خطا وهـل تغفـرون ؟؟ . ؟؟




.................................................. .........


إذا تبي نلعب سـوى لعبـة شمـوخ وكبريـاء
أوكيه أبلعبها معك لكـن بنـص المستـوى..
وإذا تبي نلعب عبـث بـأرواح نـاس أبريـاء
لازم تخاف الي قوى عبده إذا جـار وقـوى..
المسألة ماهي هـوى وإلا عـوى وإلا دهـاء
المسأله نية خفا داخل ضميـر اللـي نـوى..
وإذا الإساءة عبرت ياسيدي عن مـن أسـاء
أجل نتايجها كذا وإلا كذا صـارت سـوى..
إحساسك اللي تصنعه أشوفـه بعينـي غبـاء
الجرح ينزف والبلا ماعـاد نلقـى لـه دوى..
دام الخليـة تعتبـر ياآسـري وحـدة بنـاء
أبيك تذكر لي إسـم وحـدة بنائـك للهوى..
صنعت ثوب من الجفا وأحسنت في صنع الرداء
شكلك تظن المسألة حسب مفاهيمك غـوى..
لكن إذا لم تستحي فأصنـع إذآ كمـا تشـاء
تشوفني ميت ظما وأشوف غيري بـك روى..
أحيان أناديك وتجي نجلس سوى ساعة صفـاء
وأحيان أشوفك تحتوي فرقاي ضمن المحتوى..‏
الله يعين المبتلي مهمـا يكـن حجـم البـلاء
وأنا ابتليت وقصتي بالحـب ملعونـة ثـوى..
عط الغلا للي تبـي وأجـزل بمـدك للعطـاء
وإذا تحسبني بحاجتك ياهاجري مالك لـوى..
أحسنت لك مير البلى جازيتني خيـر الجـزاء
بنيتلك في داخلي قصر مـن الـود وخـوى..
قصة غرابيـل ومضـت أديتهـا خيـر الأداء
وذيب الغرام بداخلي من زود طعناتك عوى..
لاعاد تبكيني نـدم ماعـاد ينفعـك البكـاء
صرح الهوى في داخلي من هول تعذيبك هوى..



.................................................


تبـي الصراحـة وش تبـي بالصراحـة
" أكذب عليـك لاقلـت عايـش بخيـر"
الحلـم يكبـر والصـغـر بالمسـاحـة
" وماللوفـا عنـد المعازيـب تقـديـر"
قلبـي مـن ضلوعـي تشيلـه جراحـه
" وش حيلة ابـن آدم وجـه المقاديـر"
لا[جيتني]صـدري يـزيـد انشـراحـه
" و[غيرك] بدنيـاي نقـص ومخاسيـر"
في ذمتـي ما[غيـرك] أرجـي رماحـه
" قول وش تبي مني وأقول أبشر ويصير.
مـن شاف[بعيونـك] مسـاه وصباحـه
" عز الله إنـه مارجـا شوفـت الغيـر"
إن قلت راحـه مـاورى النـاس راحـه
" بس[إنت][وافي]ومايجي منـك تقصيـر
طيـر السعد[بيديـك] اجـبـر جنـاحـه
" السالفـه مـاعـاد فيـهـا معـاذيـر"
لاجابـوا اسمـي كـلآ أطلـق رماحـه
" ماكنهم قبـل أمـس عنـدي مساييـر"
أبسـط مـثـال لابغـيـت الصـراحـه
" أقول طيـب بـس أنـا مانـي بخيـر"

الموضوع الأصلي: قصايد منقوله عاجبتني || الكاتب: فواز بن لامـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::