الا
يالله لا
تقطـع رجـا داعيـك يـا رحمـن=يا
علاّم الامـور الخافيـة والضيـق.. والشـده
على بابك واناشدك العفـو يـارب ..والغفـران=وفيضٍ مـن عطـاك ورحمـةٍ ماهيـب منـرده
خذتني لوعة الوقت الصعيـب مفـرق الخـلان=وقلبـي ضامتـه سـود الليـال وبيحـت سـده
انادي بالوصال احيان وادعـي بالفراق(احيـان)=واخفي غايـةٍ فـي داخـل الوجـدان منضـده
احسب ان الخطا مردود والاحسان (بالاحسـان)=واحسب الجرح يبرى والسنيـن تقصـر المـده
واحسب ان "العهد" بيتٍ قـوى شامـخ البنيـان=عسير الوقت لـو هـد الجبـال الصـم ماهـده
واحسب البعد تجفاه القلـوب ويسكـن الاوطـان=واحسب ان المفارق يتعـب المشتـاق (ويـرده)
واليا مريت "يالصوت البعيد" وجابـك التحنـان=معك قلـبٍ يتـوق ومعـك قلـبٍ (مخلـفٍ وده)
تواعدني مواعيـد السـراب لخافـق الضميـان=و تتل الـروح منـي والنظـر فدروبـك الـده
واجيك بخاطرٍ يشري رضـاك بغالـي الاثمـان=وعنك والله اني.. ماعـرف الهجـران والصـده
ابد ماكن به غيرك على وجـه البـلاد "انسـان"=عليـك الـروح تولـه والنوايـا معـك منشـده
الين ارخصتنى ياصاحبي فالموقف( الخسـران)=وذقت الغـدر منـك بطعنـة فالصـدر ممتـده
عسى ربي حسيبك كيف قلبي في يدينك (هان ).؟=وانا مثل اليتيم " اللي نثر دمعـه علـى خـده