ما كني اعرفه .. ولا كني ابغيه ..=
وانا عليه من امه احن واجرا..
يا كثرها .. تسليمتن يوم الاقيه..= لي عين تكتب له .. وله عين تقرا..
وان حل طاريّه .. تجاهلت طاريه ..= ما كني ادري عنه ..
وانا به ادرا..
(( بسكات يغليني ..وانا حيل مغليه..= لا تيلفون .. ولا مواعيد غدرا,,))
يصون حبي عن عذوله وحاميه..=
وانا عليه احمى من القلب واذرا..
حبٍ عفيف والصراحه سواقيه..= في وقتنا ما ظنتي كان يطرا..
((لا سولف بحبه ولاني حاكيه..= وغيري لو انه يوالفه .. كان هذرا..
احشم قريبه ..حشمتةٍ له وداريه..= واخشى يجي في خاطره شي وادرا..
لايحسب اني يوم قفيت.. ناسيه..= لعيونه اني ما تحاليت عذرا..
ليت الزمن يرجع ..وانا اعلمه ليه..=ولاَ الحظوظ من المقابيل تشرا..
كل العذارا بالوفا ما تساويه..= كنه يمين وباقي الغيد يسرا..
قولوله اني ماارتضي بالبدل فيه..= لا مال قارون.. ولا عرش كسرا..
يرتاح.. ماغيره ملا عين هاويه..= غلاه نهر النيل.. والقلب مجرا..
واكبر دليل اني اذا عاب احاتيه؟؟= كم ليلةٍ ماتت علي كف مسرا..